martes, 26 de marzo de 2019

"No corazón do bosque ... urbano"

Unha das actividades que desenvolvemos este curso xorde da necesidade do alumnado de coñecer algo máis a cidade veciña de Ferrol, cuxa riqueza arquitectónica pasou ata o momento desapercibida para a marioría deles. Para iso deseñamos unha tarefa que leva por título "Ferroleando: Guías por un día" na que o alumnado, deseñará un roteiro polo Ferrol Modernista. Eles/elas mesmos/as exercerán de guías para o resto do alumnado e profesorado do centro, e tamén para as familias que desexen participar. Co seu traballo tentarán recaudar fondos para colaborar coa Cociña Económica da cidade. 


Rapaces e rapazas de 4º ESO  buscando información en BibliOurizo

lunes, 25 de marzo de 2019

Día da Poesía

Impresionad@s quedaron os rapaces e rapazas de 3º e 4º de ESO coa visita que a escritora Lúa Mosquera nos fixo o Día da Poesía para presentarnos a súa obra "Rasrás". A súa sinceridade e vitalidade fixo que moitos e moitas dos que alí estaban se sentisen identificados coa súa poesía e co seu xeito de entender a vida. Agasallounos cun magnífico poema composto a partir de mensaxes de wassapp escritos por todos os alumnos e alumnas alí presentes. 
Por esa capacidade de espertar emocións mediante os teus poemas dicirche que desde BibliOurizo estamos moi, pero que moi agradecid@s.




Lúa co alumnado de 3º e 4º ESO

Día de Rosalía

O venres 22 de febreiro o alumnado de 3º ESO celebrou en BibliOurizo o Día de Rosalía cun taller moi especial: debuxando rosas a Rosalía. A partir do poema Bos amores inspirouse e deseñou a súa particular rosa. Todas cargadas de colorido e emoción... O alumnado de 4º ESO repartiu ao resto o mesmo poema de Rosalía no que se insertou un código QR que enlazaba co vídeo de Narf no que lle pon música e voz a ese poema. 






domingo, 17 de febrero de 2019

Día Mundial da Radio 13 febreiro

O mércores 13 de febrero emitimos o noso primeiro programa de radio en RadiOurizo. Foi unha emisión en directo. 
Toda esta loucura comezou cando Xerardo de Ponte...nas Ondas! nos propuxo emitir desde o noso cole un programa para commemorar o Día da Radio. Aceptamos rapidamente, e así empezou esta andaina na radio da que toda a comunidade educativa quedou satisfeita. 
Todos e todas colaboraron: ese día os rapaces e rapazas de 1º ESO  entrevistaron a autoridades como a alcaldesa de Narón, Marian Ferreiro, a concelleria Catalina García, á nosa directora Mª José, ás coordinadoras e coordinadores dos diferentes proxectos, Eva, Ángeles, Pablo, Ana. Tamén participou na sección adicada a Mulleres Pioneiras a atleta Paula Mayobre. Contos, cantos, recitados, refráns, novas deportivas, recomendación culturais, tertulia sobre a lingua, os ripios de Pili, saúdo aos países lusófonos... todo tivo cabida neste magacine que se emitiu o 13 de febreiro desde a nosa recén inaugurada radio escolar e do que estamos moi orgullosos porque nos permitiu reforzar a idea de que somos un gran equipo. 
Podedes escoitar e ver o programa no seguinte enlace: 




domingo, 20 de enero de 2019

RADIO NA BIBLIO



A comezos  deste curso solicitamos a participación no programa RADIO NA BIBLIO, dependente do Plan de Mellora de Bibliotecas Escolares. A nosa solicitude foi aceptada, así que agora formamos parte ducha rede de centros que ten a radio como ferramenta de ensino. Para poder organizarnos da mellor maneira posible participamos tanto o alumnado como o profesorado nun obradoiro de iniciación á radio impartido por Xerardo e Damián, da Asociación cultural PONTE...NAS ONDAS! Nas vindeiras semanas un grupo de profesores e profesoras asistiremos a formación no CFR Ferrol. Tamén teremos a oportunidade de visitar un CEIP e asistir a unha grabación de radio en directo. Comenzamos o camiño.. xa estamos no aire!





Visitas a BibliOurizo

A semana pasada, por iniciativa do CFR Ferrol, visitaron o noso centro un grupo de profesoras galesas. Acompañadas por alumnado de secundaria e por algúns/algunhas profes coñeceron os nosos proxectos, as nosas aulas e asinaron no libro de visitas de BibliOurizo, recén estreado. Agardamos que a visita lles resultara satisfactoria, nós estivemos encantados de recibilas.
Libro visitas


En BibliOurizo


lunes, 14 de enero de 2019

Concurso Cartas de Amor

BibliOurizo convoca un concurso de Cartas de Amor no que poderán participar os alumnos e alumnas de ESO. As cartas deberán ser orixinais e estar escritas en lingua galega. Tamén a presentación das cartas será tida en conta, ademais do seu contido. As alumnas e alumnos participantes deberán entregar o traballo nun sobre pechado no que figurará un pseudónimo da autora ou autor. A carta ganadora darase a coñecer o xoves 14 de febreiro na biblioteca escolar do centro. 
O xurado que elixirá a carta gañadora estará formado por membros de Equipo de Biblioteca e do EDNL.